暫時想搬搬屋
~先後有好多好多朋友都給我解了牌~我覺得塔羅牌真的很不可思議呢
係呀！
真係又有一段時間冇上來update下了~因為我係一個工作狂，如果俾我過得太悠閒，就周身唔自在
，真係．．．．．哈～
其實搞結婚嘅事都仲未有咩大進展，因為暫時我都仲係比較熱衷做o野同埋學o野先
，因為成日覺得距離仲有好遠，成年幾，所以打算同o黎緊o既長假期
去搞呢啲事，但我相信搞結婚嘅過程係好開心，遲o的都會抽番多啲時間出o黎搞，唔想到時後侮放得太少時間o係籌備結婚上，因為怕嫁o左之後冇咩回憶o麻！
工作以外，我最喜歡就係玩塔羅同埋最近鍾意玩生命數字
，計下佢o地嘅出生日期分析下佢o地嘅性格，真係幾好玩
，我最近都找番d朋友出o黎幫佢o地計下，等自己練習多啲，等第日真係有機會做個真真正正o既神婆啦！
剛剛睇完
（情流戀屋），係韓國＜＜觸不到的戀人＞＞嘅荷李活版，我係觸嘅超級粉絲，咁當然一定會捧場啦！個故事浪漫得o黎又有淒美
嘅感覺，而且我自己個人真係好鍾意一啲講書信故事（情書都好正o架）！現代人對感情，就係沒有等待o既心～～
01:28:04 
2006/09/8
o岩o岩過去o既星期日
已經完成o左第一次家長雙方見面，總體而言，相當唔錯啦！
Aunt 同埋 Uncle佢o地真係非常之咁認真
，原本佢地打算去美麗華間翠亨村
見面，話說佢o地仲專誠前一晚到該處食晚飯
同埋視察環境（哈哈！我笑豬豬
佢爹地媽咪模係想快啲好好睇睇俾o左個仔我地，唔要隻豬豬o勒，所以就非常之咁認真），佢o地當晚覺得o個間酒樓冇咩好o野食，就決定改去北京道一號間帝廷o勒！
咁當日Aunt 同埋 Uncle佢o地搵o左位先，之後我同埋豬豬都上o左去先！o個次係我第一次上呢間酒家，嘩！一上到去，就明白點解呢間酒家會咁full擺酒law！我一睇都好好好鍾意呢個場
（豬豬話：鬼唔知呢個場grand咩，佢自己一早都o黎過，佢o地話要排到2008年，而且佢細佬個朋友o黎梗九月都擺，佢o地都係要兩年前book定！）真係巴閉！！
而之後過程係點？我有時間再來update先！因為我要編o左啲時間表先！
22:36:04 2006/08/15
個暑假o係又忙碌，又依依不捨就過去左，今晚冇額外o野做，所以可以上來寫下o野~
今個星期日豬豬約o左雙方家長見面飲茶，啲細節都係豬豬安排啦，因為佢都知我係一舊雲
o架o勒！上次豬豬上去我娘家食晚飯都約o左我阿爸~不過我翌日返開屋企時都要同阿媽講下啲細節（不過我都驚我掛住做o野會唔記得，嘩哈哈，超級大頭蝦），都想像唔到今個星期日會點呢，會唔會你眼望我眼呢，我父母比較少o野講，我諗佢o地會笑多過講掛，哈~
搬o左新o既工作環境之後，我諗我同同事其實都真係需要多啲時間去適應
，因為多o左室外環境；都真係幾曬o架！我平時用開o個啲護膚品雖然已經有SPF再咩咩+++，但我諗唔夠囉！應該要搽多幾層先可以
！
為o左要解決BIG DATE o個日化妝時o既眼紋暴現問題，有位好姿整o既男同事介紹我用SKIIo既eye mask，呢家只係連續用左五,六日左右，我覺得功效都ok，細紋減輕o左，雖然之前都睇過啲網上流傳聞：唔應該咁早用呢隻產品，又話佢對皮膚唔好等等
，但我個姿整男同事極力推薦味試下囉，（佢仲誇張到日日出門口前映一張相，連續影o左十四日，佢話真係對比番之前o個十四日減退o左啲細紋同色斑wor！聽落都幾好笑～）但結果都好似有少少work wor！後來發現我地仲有一個同事係呢隻產品o既超級fans tim，等我用哂成個療程，睇下改變o左幾多啦（希望有改善啦！！）
暑假時Bonnie上過來我家幫我同aunt試妝，今次效果唔錯，希望佢下次再早啲上來試多幾個啦！好啦！好眼瞓
，要見周公
la^^~身體又唔係咁舒服，有啲痛；明日要睇醫生～
23:14:58 2006/08/10
好開心呀!!因為我期待已久o既暑假正正式式開始o左三日喇!!
雖然係暑假，但係我日日都當然仍然努力將時間表排得
密密麻麻
，但係點樣都比起平時返工
舒服啲ｏ既～有幾日已經諗住去下香港ｏ既旅遊地點渡過！真係好開心！
上次Bonnie幫我整新娘髮型我覺得都ok，不過當時冇用新娘頭飾插上去睇，就好似差ｏ左少少ｏ野咁，但係我覺得加左就會好得多，其實佢唔係整開ｏ黎計都算係唔錯，我又唔奄尖呢～其實佢得我靚靚地就已經冇問題！希望第時佢有時間多啲上我屋企試下妝啦,因為我已經有左幾個心水look o架啦~HEHE!!
剛剛上次o既婚紗展，我同豬豬都冇睇到ar！因為我地覺得太密了，而且有部份o野都諗o左，我地打算下年再努力搞埋佢啦
！！o黎緊十二月要去新天地映相，要remind
下自己要保持美好身呀！
上次見到Polly個BB，啲手仔腳仔都好細呀！真係好可愛呀！我見到都幾驚
呀！我唔敢抱佢呀！怕跌ｏ左人地個B落地就....... ，所以，我決定生ｏ左BB一定會請工人幫手湊，等佢大過啲，我就帶埋佢一齊番學啦！HEHE!!
22:08:48 2006/07/21
日日時間表密麻麻o既我,好o野!因為今日真係咩都唔洗做可以放一日假o勒~(簡直要好似"鬼嫁日記"o晚早苗拎啲碎紙出o黎飛上去再跳番part舞o既感覺!!哈哈哈!!!)
但經過上次瞓o左十個鐘之後一日就瞓唔著o既教訓後,今日都唔敢瞓咁耐ar!!如果唔係之後我又因為唔夠瞓發睥四o架o勒!!
上星期日做o左成日姐妹,一早成五點起身,當日天氣報告話最熱會有成33度!!
為免有"恐怖蠟像館"o既尷尬出現,我就即刻"膚"番支安瓶先!!一早起身趕去新娘家幫啲姐妹set頭同埋化妝(點知上o左架唔識路o既的士,真係激死我!!!!!)好彩最後都趕得切!!
loratta佢地擺下午 lunch buffet婚禮,中午時份真係烈日當空,好彩到賓客來時outdoor都有海風^^其實整體個婚禮都幾順利,見到多年o既同事終於找到真愛共諧連理,真係戥佢地高興!!希望佢o地以後都幸福愉快!!!!
好開心當日loratta o既表姐同埋vicky都滿意我幫佢o地o既set頭同埋化妝,佢o地話我都可以試下轉行ar!!哈哈~其實我都有想過自己結婚當日自己化妝set頭,不過人地話當日唔可以自己操刀,如果唔係會辛苦一世,咁我當然信邪啦!!但我發覺自己對化妝set頭真係幾有興趣~
下星期Bonnie都找我做新娘髮型示範model,等我又偷下師先!!hehehe
14:35:28 2006/07/01
今日真係好好好開心呀!!因為我尋晚瞓o左十個鐘呀!!!!真係好耐好耐都冇咁好瞓o勒~~話就尋晚食完dinner我就伏o左落度瞓o左,就連佢返工都好似發緊夢知道的~~因為之前佢問o左我翌日幾點起身,但係我好似用左一堆印度話(即係唔知自己講咩既說話)答o左佢,好好笑ar!!
呢家真係好期待暑假r黎,我就可以free 啲o勒~~~現在時間表日日都密密麻麻,每日都係得兩個幾鐘私人時間,之後就要瞓覺啦~~
明天係loreatta結婚大日子.我要好早出門口,佢整o左個好詳細o既rundown,我都要參考一下a~~今晚要孚安瓶,因為最怕翌日太熱妝會溶哂~~咁到時就慘la!
仲有同事仔polly都解決o左佢既壓力o勒~~因為佢生左個7磅大BBar!!真係恭喜哂佢~不過聽講佢o既生產過程我真係好驚好驚~呢家淨係望住自己個肚腩都暈啦~佢話如果第時我想生,勸我去私家開刀就算wor~
結婚果邊仲未有咩進度,因為唔得閒搞住~不過o黎緊要睇下絲花球同埋問下一位去左新天地映婚照o既同事拎多啲資料~
10:53:53 2006/06/24
等我今晚update下個婚禮進度先
#Hitomi & Chun's wedding on NOVEMBER 17, 2007#
*已經搞左
擺酒地點: 德福皇廷酒家
攝影師: 同事的男朋友
化妝師: 同事
婚紗相: 蝴蝶樹 + 新天地
租衫: Dream Wedding- 婚紗+裙掛+晚裝+新郎衫+奶奶衫(包埋手飾同埋頭花)
*諗住o黎緊搞
註冊地點: 伊甸園(沙田)
鮮花: 未定(但款式要簡約的)
鞋: 要買褂鞋 + 尖頭一對
花車: 豬豬的朋友
絲花花球: 網上訂絲花花球(新天地婚紗相)
場地佈置: 應該可免則免(越簡約越愛)
VCD片頭: 酒樓包
餅咭: 美心買
喜貼及利是封: 用酒家提供的,另選簡約的
訂婚及結婚介子:豬豬同我一齊揀,要簡單又令的~
花車公仔:用靜宜同大雄公仔,二姨媽另幫手整套婚紗俾佢地著住
豬屋:繼續留在豬屋~不過之前執番齊整d~買過d新d既野~
*仍未有計劃的
過大禮, 上頭, 龍鳳被, 斟茶用品, 結婚雜物...諗起都好煩
23:53:11 2006/06/17
今日真係好鬼熱a~返工時都要著背心,好救命~
明晚豬豬啲朋友會上我地間豬屋睇相,惠康頭先有人送o左o野o黎!嘩!原來豬豬買左咁多o野準備呀~唔知係唔係好多人o黎呢?!咁星期六瓊姐上o黎執餐死law
今晚返豬屋同fing旗講下個星期日我地做姐妹可能會曬死,loretta個cocktail係中午搞,我地要係outdoor招呼賓客,好驚個妝溶左,咁好似變左成班恐怖蠟像館真人show law~hahaha,希望買左既安瓶當日可以發揮佢既功用!睇下佢地到時既run down係點先,因為我同豬豬對當日安排仲係一舊雲咁~
上星期日去左新天地book左12月28日去映結婚相,而且亦在同月頭平日六點鐘去揀令令衫~我地用左佢地o個張$3988
coupon,堅決一蚊都唔加,因為已經去左台灣映左令令相麻~其實真係好鍾意台灣輯相,都算係一生人映左一次咁多咁鍾意咁鬼靚o既相,真係好開心好滿足!希望第時如果有機會,可以再去映多次(可能係帶埋啲波士仔同埋豬女去啦!嘩哈哈!)
2006/06/15 
23:25:36
